لا حول ولا قوة إلا بالله :: خلص يا جماعة بيكفي شو هاد يعني لازم نحكي
بالمشرمحي .
يعني كل واحد جاي بيرفع لافتة وكأنها لعبة تحدي , كل واحد جاي وعم يطالع
عضلاته وين كانوا هدول قبل الثورة كل واحد مساوي حاله مسؤول على شي تنسقية أو مجموعة
وصاير تحدي وتنافس مين يسيطر على الشارع ومين يكون قوي بالأعلام .
هاي هي عقلية النظام الي عم تسيطر علينا ,حتى وصل الأمر للتشاجر والضرب
بين التنسقيات .
يا جماعة عبدالباسط سيدا مو وليد اليوم خلونا نصبر وكل واحد فينا يراجع
شوي قبل مايحكم ,بالمنطق والحوار لنشوف شو هي الأسباب يلي منعت عبدالباسط سيدا من أن
ينسحب من المجلس.
وبالأخير في عندنا قضية وهي مصيرية ألنا يعني كلنا بالهوا سوا بيكفي هل
الأنقسامات يعني يا شباب أنتوا المستقبل أذا من هلا هيك شلون رح نبني وطننا مع بعض
,
بالعكس لازم نحن كلنا نكون مساندين للوحدة ونقرب أحزابنا ونوحدها ,لازم
ما ننسى شهدائنا ولا معتقلينا ولا الظلم والفقر يلي بنعيشه واحد ما بيسوى فرنكين
بيجي وبيساوي حاله معلم علينا .
لازم كل واحد فينا يشتغل من قلبه ويساند الكل ويقرب بين الكل .
وبالأخير رح قول لو بقينا هيك والله رح نخسر كتير ورح نندم كتير . ولازم
أخوتنا الكورد في تركيا والعراق أن يساندونا لا أن يتدخلوا في قضيتنا فنحن كورد سوريا
من نقرر .وهاي للأحزاب الكوردية لازم تقربوا بين الشباب فهم جيل المستقبل .وعلى كل
حزب أن يترك الأعتبارات الحزبية نساند بعضنا ونتكاتف لنحقق حلمنا ,
لقد تعرضنا لأبشع أنواع الظلم على يد هذا النظام من تهميش وتعريب وتهجير
وفقر وتعذيب .خلص يا حبايب كلنا مع بعض نثق ببعض وأيد بأيد لمستقبل مشرق لنا ولأولادنا
.
ديركامه ::DERIKAME
اكتشاف المزيد من Kurd Online
اشترك للحصول على أحدث التدوينات المرسلة إلى بريدك الإلكتروني.
الآراء الواردة في المقالات لا تعكس بالضرورة رأي صحيفة كورد أونلاين
