Meger carek di xewnêda , li ruxsarê te bim mêhvan
Bihêt bayê berê spêda , bi xêr hatî li ser çehvan
Dizanim ez ji te dûrim , te nabînim evê carê
Xendqyê behreka kûrim, girêdayê zulfa yarê
Girêdayê zulf û xalan , berdam çolay har û dînim
Li hozana kiriye talan , navê wê jî neşêm bînim
Belkî carek rehmê bikey , bîmarê xwe bikey derman
Vê pencerê bo min vekey , li dilê sêwî bibî semyan
Lê dizanim her wekî min , bi şevê heyve li te mêhvan
Silavek ji te geheşte min , lew bişkurîn erd û esman
Buhar xunav gul tuyî, pawîz û befr û dirk ezim
Şemal û mom û roj toyî , tarî û doman û şev ezim
Tu yî şlêra li nav tevriya, wez kewê bê sebr û hedar
Tu yî rewşa tev bêriya , wez şivanê dil birîndar
Di bêjin ev sal Bihar nahêt , kew na xwînin li der geliya
Xema dilî qed danahêt , terg dê barît li dol û çiya
Bo şeva min tu yî çira , taristanê pê di
şeqînim
Ger tu nebay da bêm çira , ez dijîm û an dimînim
