Ger bidûmahya!

Ger bi dûmahiya jîna min bît, bibît rizgar welatê min
Bila her ev şeve bimrim, vemirhîtin çirayê min
Hilon bixemlînin tabotê, çêken wê ji dar hinara min
Tê bialînin kesk û sor zer, belkî pê bihêt hedara min
Belê ditirsim nehêt ew roj, hizar sala paş mergê min
Lew me ji çava xwîna dizêtin, agir ber bûye cergê min
Lê bo rêkek hinde pîroz, divêt şengistek bo mala min
Pirr mûkim bît ji kevrên aza, bibît guldan bo gula min
Me divên pale û hostayên jîr, da binikrînin dîwarê min
Hem dilsoz û mêr û çeleng, da ava bîtin warê min
Paşî dê şêm ji dil helmêjim, bêhna memkên (Şilêra) min!!
Dê rewşen bin erd û asman, mizgîn dê gehte (Stêra) min